वाह रे मनखे के मन

वाह रे मन तोर महिमा अपरम्पार।
कभू बुडोथच बीच भंवर म
कभू नहकाथच पार।
तहीं बांध मुसकी बंधना म
भवसागर म देथच डार।
घर दुवार दुनिया दारी के
लमा डरथच बखरी के नार।
कभू गुड के गुरतुर भेला
कभू नून डल्ला सक्खार।
बन बैपारी करे दुकानी
तैं भरे तिजोरी कांटा मार।
छल कपट ल छूट म बेंचे
चारी चुगरी उपराहा डार।
खांटी जिनीस के पिटे ढिंढोरा
चना म मिंझेरे बटूरी दार।
सत ईमान के लिखना टांगे
“बादल ” मारे लबारी मुसकीढार।
चोवा राम वर्मा बादल

नाम- चोवा राम वर्मा”बादल”
पता- गांव उडेला (कुकराचुंदा), पोस्ट ऑफिस-हथबंद,
तहसील-सिमगा
जिला-बलौदाबाजार (छग) 493113
इमेल- crverma78@gmail.com
मोबाईल-9926195747
शिक्षा-एम ए
कार्य-व्याख्याता
शास उच्च माध्यमिक विद्यालय केसदा